Slide 11
Slide 11 text
11
Da Marco hat e bisje üwwerleht unn hodd dann die Idee, dass se de
Schrank nochmol ofbaue unn er sich dann ren stellt, damit er gugge kann,
was passiert, wenn de Pendolino vorbei kommt ….
Gesaat gedon, se baue de Schloofzimmerschrank unn de Marco krawelt
eren - in dem Moment kommt de Butsch häm …. kommt ens
Schloofzemmer unn freut sich, dass es Nadja de Schrank schon offgebaut
hat ….
dann macht er die Deer off unn sieht de Marco do drin stehn ….
"Was machschd dann du do", froht er ne ….
unn de Marco saat:
"Kamerad Butsch, du werschds ma jetzt wahrscheinlich net glawe, …..
ich warte off de Pendolino …."
B: Sonndachs moins hann ma dann do vor de Kersch noch was erläbt ….
de Müllersch Lothar es raus komm un hat im Gesicht off jedem Backe e
roter Handabdruck gehat ….
ich hann ne Gefroht, was dann passiert wär …. do fängt der ahn se
verzehle …
"Mir hann uns ewe in de Kerch zum bede hingekniet … unn vor mir war
so eine junge Dame … wie die so sich gekniet hat, siehn ich, wie ihr Rock
im Hinnere stecke bleibt …
weil das so komisch ausgesieht hat, bin ich hin, unn han ne wedder raus
gezoh ….. do dreht die sich rum unn schlaht mir met de Hand voll off de
linge Backe …."
"Oh", hann ich gesaat, "unn was ess mem rechde Backe passiert?"
"Ei es bije späder hat sich äner näwe mich gesetzt, wie ma nochmol gebät
hann, es der Rock schon wedder stecke blieb unn der näwer mir hat ne
wedder raus gezoh ….
do hann ich zum gesaat:"
net, her off, die will das net" …. unn hann ne wedder rengesteckt …
T: wo ma grad do unne in dem Egge senn … de Meiersch Peter hollt jo
neuerdings Gesangsunnerischd …..
Unn immer wenn er es Singe üwe dut, dann geht die Meiersch Maria raus
en de Garde Unkraut robbe …. damit die Nachbarschaft net mennt se
würd ne schlahn ….
B: Jo, jo de Peter … der sengt wie de Rembrand ….
T: Rembrand … wieso das, de Rembrand war doch e Moler, der konnd doch
gar net singe ….