Schmitt 1998 Tim Nagel , Björn Schmitt 1998 Tim Nagel , Björn Schmitt 1998 Büttenrede Björn und Tim 1998 Helmut fängt an Mikro abdrehen Start Björn: So Helmut, die ganze Joohre haschd Du do immer de Anfang gemacht. Diesjohr mache mier mo was anneres. Du haschd jetzt nämlich se erschd mo Sendepause. Mier verzehle jetzt mo was so alles zu der Kappesitzung do geheert. Onn was do manchmol für Chaos es. Wie gesaat, kaum es die ledschd Sitzung so richtisch vorbei, komme schon die Ideee für die nägschd. Die erschde senn Sonndachsmojns beim aufräume gefall. Joo, .... do hann se all noch gudd Standgas gehad ..... onn genauso hann die Vorschläch ach ausgesiehn. Der Vorschlach, e Open-Air off em Kerwepatz se mache war jo noch ganz gudd. Dann kennde mee Leit zugugge. Awwer desweje gleich die ganz Fasent in de Sommer se lähe, nur weil’s do e bisje wärmer es ..... also nää. Off jede Fall hann sich dann im Laufe des Jahres die Vorschläch angesammelt. Manche konnt ma sogar ganz gudd gebrauche. Bes es dann im Herbschd so langsam los gang es. No der erschde Besprechunge steht bei uns dehemm alles Kopp. Jo, bei uns aach. Es Männerballett probiert die neije Reckcher an, die Aerobic- Fraue üwwe Spagat ....., Mei Modder dut sogar Dehemm im Handstand koche onn neue Aerobic Üwunge ausprobiere.
Schmitt 1998 Tim Nagel , Björn Schmitt 1998 Tim Nagel , Björn Schmitt 1998 Mei Modder die schwätzt in der Zeit nur noch in Reime. Onn an warmes Mittagesse es schon gar net se denge, do wird Middachs es Dosefudder verdeilt. Do krit de Hund sei Dos, die Katz ihr Dos. Onn mei Schweschder onn ich krien zu zwott änie Dos. Ach of de Klo se gehen es in der Zeit gefährlich. Joo, du Hodschd doch do mol was verzehlt. Ei, mei Vadder hodd e Däl von seiner Büddered auf em Klo produziert onn auf Klopapier verewigt. Ja, onn ich hann das nur e bisje spät gemerkt. Do hadds bestimmt Balawer genn. Jo, das kanschde awwer glawe ..... daß er net noch gefrot hat, warum ich mier üwwerhaupt de Hinnere abbotze es alles.... Ich sahn da. Onn mei Vadder der dut dehemm es hohe C üwwe. Wie es hohe C ? Ei für die Gruppe Lustlos. Der laaft dehemm erum onn kommt, onn kommt ....net ....... hoch .... off das hohe C. Ei ja, do wißt ich was. Gebschd em enfach e Klammer, die soll er sich an e bestimmtes Körperteil klemme, net die Nas . Dann kann der es hohe C ungeübt singe. Ja, ja. De Winfried hollt jo sogar Gesangsunnerricht. Ei warum dann das ? Damit er die Ennsätz niemee verpaßt, so wie ledschd Johr. Die Wolle anscheiend em Jugendchor Konkurrenz mache. Mei Vadder schloft in der Zeit immer mem Block unnerm Koppkisse. Der wird Nachts als wach onn dann schreibt er sei Geistesblitze off. Jenachdem wie se em gefalle, dud der die damm der ganz Familie mitteile. Awwer gleich, Nachts um halb vier. Do kennt der nix.
Schmitt 1998 Tim Nagel , Björn Schmitt 1998 Tim Nagel , Björn Schmitt 1998 Awwer so Verrückte gebts noch e paar em Ort. Moderner macht das de Sprudellouis. Wenn der met seim Laschder es Bier ausfährt, wird die Büddered aufd Band geschwätzt. Der hat emmer sei Diktiergerät em Audo debei onn sei Sekretärin bringts em dann offs Babier. Onn bei der Sach geht ach als mo e ganzer Kaschde druff. De Nachwuchs hat do ach Erfahrung. De Naggisch onn de Butsch dun Nächtelang em Bierlager am Computer hugge on ihr Red schreiwe. Näwedran nadürlich net nur äner Kaschde Bier, .....sondern Beije devon. Was do so rauskomme kann, hann na jo vorschjohr gesiehn ..... Diesjohr hat de Sprudellouis es Bier en de Palz versteckelt, ob das was genutzt hat siehn na noher. De Killians Arno, unser Sänger fährt derweil durchs ganze Land onn sucht sich die Karaoke CDs sesamme. Die Familie geht immer spaziere , wenn der dehemm üwe dut. Der es so e Art Pavarotti. Jo, die Stimm hat er jo dezu, ...... nur bei de Figur muß er noch e bisje zulähn. Die Zeit vergeht, onn off ämol es die Woch vor Fasent. Jetzde geht’s an die körperliche Arbeit, das heischd es muß was geschafft werre. Onn was das heischd wisse na jo all. De Helmut hat wenns ans ofbaue geht sei ganz bestimmdie Taktik: Seerschd wird sich mol e Bier gehollt. Onn dann fängt de Helmut an alles deunanner se mache. Wenn die Bühn steht onn die Hall geschmückt es, werre die Dische gestellt. Ma hann ach e Fachmann dodefür, de Post-Klaus. Aach bekannt als der neije Klään. Der macht das eigentlich ganz gudd. Nur gebts dann immer Huddel met de Bedienung. Entweder krien nur ¾ von de Leit e Platz, wenn die Dische zu weit ausenanner senn, odder die Bedienung muß halt entsprechend schlank senn. Awwer no einigem hin onn her kriema das ach gereschelt. Odder do, met dem Netz onn der Luftballons, das es ach emmer so e Aktion. Bes das iwwerhaupt mo hängt on die Ballons drin halle .... ein Drama
Schmitt 1998 Tim Nagel , Björn Schmitt 1998 Tim Nagel , Björn Schmitt 1998 Joo, onn danne kommt irgend so ein Depp onn dut mol schnell ausprobiere ob’s ach richtisch funktioniert. Dann endlich kommt der Freitag. Die Generalprob steht an. Do dud seerscht mol jeder dehemm die Koffere packe. Do kennt ma menne ma würd für vier Woche no Mallorca fliehe, soviel Zeich pagge mier do enn. Zu dene paar Leit vom ofbaue, senn off ämol dreimol soviel debei komm, es joo klar weil ma jo nix mee schaffe muß. Naja, kam ma nix mache. Jedenfalls geht dann das Chaos so richtig los. Jeder will seerschd dran komme, jeder es motzisch onn klabbe dut iweerhaupt nix. Am Beschde breche ma alles ab, hert ma’s von iwwerall töne. Off jede Fall, so geje 1 Uhr löst sich das ganze dann off, obwohl käner watt debei gelehrt hat. Onn se all noch genau so schlau senn wie vorher. Bei manche geht’s awwer no der Sitzung ach erschd richtisch los. De Naggisch onn de Butsch hann sogar schon nachts um halb zwei die Büddered nei geschrieb. Samschdags moins geht’s dann in aller Herrgottsfrüh mem aufbaue weider. Die Musik kommt onn ma docktert an der ledschde Feinheide erum. Onn wie gesaat, de Helmut mit seiner Taktik, .... Flasch Bier onn danne deunanner. Dann schaffe ma de ganze Daach, obwohl üwerhaupt nix klappe dut, wenn ma dann raus gehen, für uns fertig se mache, stehn schon die erschde Leit vor de Dier. Dehemm geht es Chaos danne weider. Do wird sich gelich unner die Dusch gestellt, e Stick Lioner geß onn näwebei noch die Zäh gebotzt. Das geht alles Onn dann wedder zereck in die Hall, wo se schon bes an die Bahn stehn. Wies Gewidder es 7 Uhr onn die Narre genn rengeloß.
Schmitt 1998 Tim Nagel , Björn Schmitt 1998 Tim Nagel , Björn Schmitt 1998 De WieNa reißt die Karde ab, de Berno zäht es Wechselgeld onn die annere Akteure belagere met Sack onn pack die Umkleidekabin. Dort es dann der Ausnahmezustand eingetreten. E Deunanner, wie wenn e Bomb engschlah hätt. Wie gesaat, do plaggt jeder sei Zeich dohinne irgendwo hin. So es schon manscher met em falsche Kostüm off die Bühn gerannt. Äner vom Männerbalett hats sogar geschafft, sich en e Klädsche von de Minigarde e renn se zwänge. Do es so e Deunanner, daß De Sprudellouis e mol ohne Text off de Bühn gehen muschd, ... weil er däne do hinne in dem Chaos nimme gefunn hat. Iwerens, getrennte Kabine ham mier do hinne net. Do es Männlein onn Weiblein gemischt. Awwer net, daß jetzt nägschdjohr do alles nur weje der än Kabin bei de Fasent metmache will. Awwer off da Bühn ham ma genauso e Chaos. Gennauer gesaat, unner de Bühn, wie vor e paar johr, gelle Die Maxigarde war grad am Hupse, off ämol es soe Bühnedeil im hinnerschde Egge abgesackt. Mier drunner, de Tim sich met aller Gewalt degeje gestemmt, onn ich hann probiert, wedder de Bolze erenn se krien. ........ Hoode mier e Angst. Ma hann gemennt, die däde all off dem äne Deil stehn. Onn was das für Stature senn, kenne na euch jo noher angugge. Mier kennde noch viel meh verzehle, awwer dodefür langt die Zeit net. Mier hann nämlich e gennauer Zeitplan diesjohr. Denn misse ma genau enhalle. Das na noher a noch Zeit hann, für e paar Bier se tringe. Onn net gleich ens Bett misse. Außerdem kriem ma sonschd noch die Ohre lang gezoch. So Helmut, du kanschd dann jetzt widder Deunanner mache. Allee Hopp ! (beide)
bschmitt
denniskardys
shpigford
bkeepers
deanohume
chrisshort
addyosmani
akosma
swwweet
garrettdimon
honnibal
