Upgrade to Pro — share decks privately, control downloads, hide ads and more …

Büttenrede Die Schwechdere

Björn Schmitt
February 04, 1999
710

Büttenrede Die Schwechdere

Saarländische Büttenrede zum Thema "Die Schwechdere" von Tim und Björn

Björn Schmitt

February 04, 1999
Tweet

Transcript

  1. Büttenrede Tim & Björn 1999 Seite 1 Copyright by PaCC

    1999 Die Schweschdere B: Wisse na noch, Forschjohr. Do hamm ma euch von dem Chaos verzehlt, das do immer an da Kappesitzung herscht. T: Dies Johr komme ma zu me Chaos ganz annerer Art. B: Ojää (seufzen) ...... unser Schweschdere ! Do machschde vielleicht was met. Das es noch schlimmer wie die Fasent. Die Fasent gebts nur ämol, die Schweschder hat ma es ganz Joohr. Unn meischdens dräde se im Quartett off.....das ess dann Chaos hoch vier T: Joo, friher hann ich wunerschd gedacht, wie doll das wohl ess e Schweschdersche se hann. Das müßt ich beim liewe Gott bestelle, hann se mier domols gesaht. Do hann ich gedacht: Das muß was ganz Besonnerses senn, kommt mem Storcheexpress ....unn hat e Lieferzeit von neun Monat... Wie s dann endlich do war .....die erschd Entäuschung .... kä Hoor om Kop - kä Zähnem Mund ..... Unn daß ma s nimee umtausche kann, hat mier vorher ach käner gesaat B: Jo so ähnlich es es mier ach gang. Ich hanns ach erschd gemerkt wies schon zu spät war. Ann Weihnachde hann ich sogar em liewe Gott e Brief geschrieb, daß ich gäre mei Schweschder geje e Eisebahn entausche wollt. Awwer es hat net geklappt. T: Naja, so lang wie se klähn ware, hat das joo noch gang.... Awwer wie die erschd mol laafe unn schwätze konnde .... ojää .... Ämol hodd ich schon gemennt, ich wärs widder los .... do hem miers mol e ganzer Moje gesucht ..... awwer es hodd nur gejeiwwer beim Horst im Garde gehuggt unn de Kabbes gezehlt. B: mmh. Ich benn emol hemm komm unn hann geheert, wie mei Modder mem Simone gescholl hat.......„Also jetzde geht’s awwer los. Wieso haschd du dann die ganze Gutzjier von da Oma allään geß ?..... Haschde dann net emol an die Bruder gedacht ? „ .... Do saats Simone: „ Nadeerlich, ich hood die ganz Zeit Angschd, er kennt komme, bevor ich se all ges han.“... ..... unn sowas hat ma sich sehnlichst herbeigewünscht.
  2. Büttenrede Tim & Björn 1999 Seite 2 Copyright by PaCC

    1999 T: Onn iwwerhaupt, dort wo unser Schweschdere unn Co offtauche, do ess Remidemmi ... Ämol hann se bei uns vor de Deer gestann unn ess Julia hat gesaat: „Mama mier misse heit bei uns spiele.... beim Nadine do geht’s net ... de Jörg findt sein Beruhigschungsdrobbe net...“ B: Das stemmt. Die konnde äm schon ganz scheen off die Nerve gehen. Mei Vadder hat mol zum Simone gesaat: „Seit Du, off de Welt bischd, haschd de ma noch kää frohie Stunn beschert. ... “ Do hats Simone nur gefrot: „Unn vorher Baba ? ....... T: Wenn se änem ach manschmol off die Nerve gang seen .... ich han immer noch ann das Gudde geglaabt ... weil ichs jo beim liewe Gott bestellt hood .... Ich hann mol oments beim am Bett gehuggt unn e Schlooflied vorgesung .... unn dann noch äns .... unn noch änns ...unn wo ich zum 4. Lied anstimme wollt, do saats zu mier: „Tim willschde noch e Lied singe odder kann ich jetzt endlich schloofe?“ B: Onn was die so dachsiwwer anstelle, das ess jo ach ..... Do es mol von näwedran do de ... wie heischd er nommol .. de König, äh näh quatsch de Kaiser komm unn hat mem Simone gescholl... „Warum ziehschd du dann immer meiner Katz am Schwanz ?“ ... Do saats nur „Mach ich gar net ... Ich halle se nur feschd ...... ziehe dud die Katz“ T: Wo du do grad von Katze schwäschd, es Julia es mol von na Katz gekratzt wor. Do es es bei mich komm unn hat geheilt. Ich hann s getröschd unn gesaat, brauchschd net se heile, de leiwe Gott machts widder ganz,.... do hats mich gefroht.. „Muß ich dann do hoch, odder kommt der e runner ?“ B: Es Simone hat mol von meiner Modder e Mark krit, weils sich ausnahmsweise mol geschickt hat. Es hod nur vergeß, Dange se sahn. Do wollt mei Modder em helfe, unn hat zum gesaaht, wie sahn ich dann zum Baba wenn der mier Geld gibt. Do hats kurz üwwerleht unn ganz stolz gesaat... „Ess das alles ?“ T: Jo met der Väter das es so e Sach. Es Julia war mol met meiner Modder beim Friseur .... Die hat domols Strähne gemacht grit .... Wie die dann engefärbt war, unn die Farb noch ziehe muschd, hats Julia sich so die Mama betracht, unn weil die Farb so blau geschimmert hat, hats zu er gesaat.... „Also Mama, oje, wenn das do de Baba sieht .....“
  3. Büttenrede Tim & Björn 1999 Seite 3 Copyright by PaCC

    1999 B: Domols hann se uns schlaue Brüder, Ihr Idole gefroht, zu dene se jo aufgucke .... sollte ! .... „Wie es en dat, de liewe Gott gebt uns es tägliche Brot, de Storch bringt die Kenner, --- unn für was brauche mier iwwerhaupt de Baba.“ T: So senn dann die Jahre ens Land gang unn irgendwann war dann ihr erschder Schuldaach .... wies Julia häm komm es, do hann ichs gefrot: „wie war dann de erschde Schuldaach?“ ---- „Och, es war ganz gudd,“ saats, „awwer moje misse ma widder hin“ B: mier hann mol met ne unne am EDEKA gestann ... off ämol es de Heidrich Gerd vorbei komm .... der hat die Zwei gefroht, wie se heische unn wie alt se senn ..... Do hann se ihr Name gesaat, daß se 6 Johr alt senn unn dass se off die Schul gehen. T: Aus Spaß hat de Heidrich dann gesaat, ich bin 48 unn geh’n ach noch in die Schul. B: Do hann die awwer gestaunt unn wie aus änem Mund gesaat: „Danne muschd Du awwer ganz scheen bleed senn.“ T: .. Ma merkt jo doch, daß das unser Schweschdere senn .... net off de Kopp gefall ..... Se ware mol en de Schul ... do es de Joschde Michael noch dreggisch vom Fußballspiele in die Schul komm .... de Lehrer hat zum gesaat: „also schämschd du dich net so ungewäschd in die Schul se komme. Jetzt geschde hämm unn wäschd dich ordentlich“ ...... Unn am nägschde Moje senn die Troschele mol vor de Schul noch runde Fußball spiele gang. B: Sie konnde immer noch was von uns Lehre .... es Simone wollt mol wisse, was weider weg es, China odder de Mond. Do hann ich gar net lang üwwerleht ..... De Mond es nadirlich näher, dene kann ma nämlich von do aus sieehn und China net ... T: mmh. Es Julia hat mich mol gefroht, ob ich wäs, wer de Goethe war .... do hann ich gesaaht: „klar weiß ich das .... awwer du solschd jo was lehre ... unn deshalb holschde da jetzt die Bibel unn gugschd selbschd noh“ Apropos Bibel. Ledschdjohr senn se jo konformiert wor .... unn kurz vorher hats neije Gesangbücher genn.... Die Mama hat so äns dann für uns kaaf unn dehemm off de Disch geleht.
  4. Büttenrede Tim & Björn 1999 Seite 4 Copyright by PaCC

    1999 Wie’s Julia hemm kam .... hats ganz entsetzt gesaat: „Was kaafschd Du mier dann e Gesangbuch für die 2 Monate wo ich noch en die Kersch gehn ?“ B: was hasch du vorschjohr von deiner Schweschder eigentlich zu Weihnachde krit.... T: ... After Shave .... B: ..... do haschde dich bestimmt gefreut ... T: no ja, ... ich han kä Verwendung defür, ich rasuere mich jo nur im Gesicht ----------- Du mischd meiner Schweschder ach mol beim schwätze zu höre .... dauernd saats halt, hinner jedem dritte Wort: Halt .... zum Beispiel: „Mier senn halt spaziere gang, unn dann senn ma halt dort vorbei komm unn dann hat er halt gesaat unn mier hann halt gelacht. Dann senn ma halt wedder widder wieder gang ....“ dauernd halt, .... ich han lang iwwerleht, warum es das macht .... jetzt ben ich endlich dehinner komm .... es Julia schwätzt schneller wie’s denge kann, ... deshalb muß es sich zwischedorsch selbschd bremse, damet do nix passiert - desweje also „halt“ B: Ach do fällt ma grad noch wat enn, das wollt ich da mol zeije. Wie ich deledschd de Speicher aufgeraumt hann, hann ich e alder Aufsatz gefunn. Der war vom Simone asl et noch in de zwodd Klass war. Die Aufgabe hat gelautet: Beschreibe eine Katze ..... Die Katze ist mit verschiedenem Fell überzogen, das elektrisch wird, wenn man der Katze entgegenfährt.(Gug mol do, fährt mit „e“) Läßt man die Katze fallen, berührt sie immer den Boden. Die Katze ist so zäh, daß sie noch viele Stunden vor Ihrem Tod lebt. Vorne hat die Katze einen Kopf und hinten hat sie einen Schwanz, der immer dünner und dünner wird, bis er da, wo nichts mehr ist, ganz aufhört. Unsere Katze darf daheim nicht mehr frei herum laufen, weil mein Bruder einen Vogel hat ..... ääähhh, aweil geht’s awwer los Simone, sowatt kamm ma doch net schreiwe !!!!!!!!!!!!! T: Es Julia wollt mol wisse: „Tim wie steigert ma dann imposant ?“ ..... ganz enfach: „Im po Sand, Im Hintern Steine, Im Arsch Geröll.“
  5. Büttenrede Tim & Björn 1999 Seite 5 Copyright by PaCC

    1999 B: Domols hann se sich met de Buwe immer noch en de Hohr gaht bzw. .... net dran gedacht, für was ma die vielleicht noch irgendwann mo brauche kennd. T: Jo, es Julia es ach mol von änem gefrot wor, ob es ihne net Heirte will .... Do hats zum gesaat: „das würd ich jo gäre .... awwer bei uns in da Familie ... heirate mier nur unnernanner ..... Mei Opa hat mei Oma geheirat, Mei Onkel mei Tante unn mei Baba hat mei Mama geheirat.... B: im Laufe der Zeit hat sich das gewandelt, jetzte hann se die Wichtischkeit des männlichen Geschlechts erkannt .... se senn jetzt nämlich offgeklärt ..... nur noch die Buwwe em Kopp ..... Unn was es schlimmschde es, se hann mit nas, aus dem Land der horizontalen Würstchenesser.... [Pause] .....aus Mosbersch angefang. T: Sportlich senn se jo, das muß ma ne losse ........ledschd Johr an Pingschde hann se sogar e Fahrradtour gemacht ......... no Mosbersch off die Kerb .... Nachts um elf ........ allerdings es die Reckfahrt e bisje außerplanmäßig verlaaf, anstatt mem Fahrrad senn se mit Papis Heimholservice zereck ...... unseres muschd sich noh der Aktion 4 Woche dehemm regeneriere ..... Met de Zeit hat ma gesiehn, das aus der kläne Mädcher.... .....so langsam .....naja .... jedenfalls hann se e BH gebraucht .... Do senn dann die Probleme losgang ..... „so Probleme hann Ihr net, ihr brauche net no de BH-Größ se gugge“ hann se gemennt... B: Nä ..... awwer mier misse bei de Unnerbogse off de PH-wert offpasse. (verschden na: BH-Brusthalter - was heischd dann PH - also) T: Unn wie die sich anziehe, ... die Kläder genn immer knapper unn enger .... Mei Opa hat mol gesaat: „Bes mier friher met de Hänn dort ware, wo die heit hinsiehn, hodde mier schon de Schweiß off de Stirn stehn.“ Unn wie die heit schwätze .... hädde mier uns friher net getraut ..... Das stemmt: Es Julia es mol komm, wie ich de nei Füherschein hodd, unn hat mich gefroht: „Was ma dann bei na Audonummer beachte muß“. Björn, .... du maschd jo jetzt ach de Füherschein, .... was menschde dann. B: Also,... no de StvO, muß ma of de TÜV onn die AU gugge unn ofbasse, das es net verdreggt es. odder ...?
  6. Büttenrede Tim & Björn 1999 Seite 6 Copyright by PaCC

    1999 T: Jo .... hann ich ach gedacht, awwer wie se so senn, hats dann gesaat, nä, du haschd jo iwwerhaubt kä Ahnung, ... bei na Audonummer muß ma offpasse, daß ma die Setze net dregisch macht .... also.... B: Awwer in ledschder Zeit geht’s jo met ne .....se senn jo kaum noch dehemm.... T: Joo, von Moins bes Ohments hugge se in ihrer Hitt dort am Walhauser Bersch .... wenn de es Julia frohschd, wo warschde dann? ... an de Hitt ..... Wo geschde hin? ... an die Hitt .... Was mache na heit Oment ? .... ei mier gehen an die hitt ..... wenn es mobile Rathaus noch emol no Walhause kommt, dann melle mier die Hitt als zwodder Wohnsitz für’s Julia ahn. B: Sei froh, bei dir es et wenischdenz fortt. Bei uns dehemm kehre se immer inn ... un zwar do owe hann se jo noch kä Sanitäre Anlagen. Do komme die mänlich immer bei uns, .. wenn se Hunger hann, off de Klo misse oder um Punkt viertel vor Acht Gute Zeiten Schlechte Zeiten gugge wille.... T: Jo, Jo unsere Schwechdere die senn schon net ohne, awwer irgendwo misse se jo sowas schonmol gesiehn hann !.... Wo wisse mier ach net ... bei uns off käne Fall! Mier zwei kenne kä Wässersche driewe ! Jetzt senn ma eigentlich schon am Schluß .... de Björn verzehlt noch Witz unn dann saan ma Tschüß ! B: Treffe sich 2 Flöh. Froht der Äne, däne annere, „Wieso bischd Du dann so warm angezoh unn sischd so verkalt aus ?“ - „Ei ich hugge em Bart von me Modoratfahrer.“ - „Sischde, do hann ichs besser“, säht der annere „ich wohne im Schamharr von na Blondiene. Probier das doch ach emol aus “..... No na Zeit treffe se sich widder. Saat der Än: „Du bischd jo immer noch so warm ahn, heschde das met der Blondine net mol ausprobiert ?“ „ Doch, awwer no 2 Stunne war ich widder im Bart von dem Kerl“ B & T : Alleh Hopp !!!!!!!!!!!