Lesson_4-Khatguak_Om_Ciang.pdf

Transcript

1. Lesson 4 for April 27, 2019
2. Kikholhkhopna Guak Omna Taksa Guak Omna Khalam Guak Omna Geelkholloh Guak Omna Kimakna Sihna “Mipa khatguak a om ding hoih lo hi” (Genesis 2:18). Midang tawh kizom in kikhawlkhawm dingin hong kibawl hi. Tua pen ih mungtup ahi hi. Ai zong, mi pawlkhat pen a kiim a paam hang ahk amau teelna hangin khatguak in om uh hi. Lai Siangtho in kikholhkhopna leh khatguak omna a hilhdan ih sin suk ding hi.
3. “Khat sangin nih hoihzaw hi, bang hang hiam cih leh amau sepna ah a hoih ngah kik uh hi.” (Eccl. 4:9 ZIV) Solomon in ih nuntakna sungah midang khat tawh kiteenna ah kikhawlkhawm ding le Pasian tawh kikholhkhop ding kul cih hong hilh a, (“Zang thum-a kiheek khauhual bawhsat hak hi.” (Ecclesiastes 4:12)). Khatin haksatna tuak leh, a koppih in a zi/pasal huh thei hi. Khat a lungkiat hun ciangin akoppih in tha pia thei hi. Khatguak vaihawm zawhloh thute a nih un vaihawm in gualzo hi. Kiteenna ciang dong ahi kei phial zongin, mite in koppih kisam hi. Mi khat geinai ah na omna hangin amah in guak omna tawh kipelh in kipawlkhopna nei hi cih zong hipah sam lo hi.
4. Paul in Genesis 2:18 sunga Pasian gen thu a nial a hi hiam? Paul in hibang kammal a zat ciangin eite hong kilat sak hi. Bangbang hita leh, ama gennop thu in: “pumpi ki-uk zo te” bek a gen ahi hi(v. 9). Tua in, kiteenna a kisam lo nuntakna pen silpiak in a ngahte ahi hi. A langkhat lamah, innkuanpih neilo te in mission nasepna ah thuk takin kalsuan thei uh a muibun zaw hi(v. 32-33). Tua pen Jeremiah (tangval) le Ezekiel (meigong) te zatdan ahi hi. Khatguak nuntakna ih cih ciang guak om sitset ding cihna hi lo hi. Zeisu in: “Kei guak ka om kei a, Pa in hong ompih hi” (John 16:32 ZIV) ci hi.
5. “’Ahang in, nang hong Bawlpa na pasal hi a - ama min Thahatpen TOPA ahi hi - Israel-te Siangtho Pa nang hong Tanpa hi a; amah leitung khempeuh’ Pasian kici hi.” (Isaiah 54:5) A upna uh a kuppih loh ciangin mihingte in khalam ah guak om uh hi. A koppihte uh lo tawh thungen zo lo ahk biakinn ah kikhawm zo lo uh hi. Tua bang dinmun ah kal thum om a: Mipa/nu in thu-umlo mi a tenpihna pan. Tua mipa/nu in a kiteen khit ciangin Khazih upna nei hi. Tua mipa/nu ie koppih in zong a upna nusia ta hi. Tua bang mite mimal in a hi zong pawlpi pan ahi zongin panpih theih zah a panpih ding kisam hi.
6. “TOPA Israel Pasian in: ‘Zi makna ka mudah hi,’ ci-a, ‘Pasal amah le amah ngongtatna tawh kihu-a a puantual tawh kiliahte ka mudah hi,’ Thahatpen TOPA in ci hi. Tua ahi manin nangma lungsim nangman kem inla na muanhuaina palsat kei in.’” (Malachi 2:16 ZIV) Kimakna in Pasian gel innkuan nuzia pen susia hi. Mawhna hangin, kiteenna pen a kikhen thei dingin Pasian in ciangtan khat ciang na phal hi (Matthew 19:8; 5:31-32). Kimakna in dahna, hehna, guak omna le khakham veina te piangsak hi. Lai Siantho in bel kikhenna a omlo theithei ding hong hilh a, itna bulphuh in kipawlkhop ding, kimaisakna tawh a thak in dinkikna nei ding cihte hong hilh hi (Hosea 3:1-3; 1 Cor. 7:10-11; 13:4-7; Galatians 6:1). Pelh theih loh in kimakna hong pian ciangin, pawlpi in va huh in, hehnem in tha pia ding hi.
7. Adam le Eve ong mawh a kipan in sihna pen mihing tawh kipelh thei lo hi. Zeisu Khazih hong pai kik dong thukip ahi hi. A tawpkhakna ah, sihna in a kipelh theilo kikhenna hong tun hi. A cianlai a koppih in khakham vei in guak om kisa mahmah hi. Ih it ih ngaihte tawh kimuh kik theih naidng hun khat Pasian in hong gel sak a, sihan a om nawnlohna Van Thak ah amaute tawh ih tengkhawm tawntung ding hi. (1 Thess. 4:16-17; Revelation 21:4). Hun ong pai leh tua natna pen dam napi in, a ma(liamma) pen bei lo hi.
8. “Bangci dinmun ah ih tung zongin, Ama Kammal bangin ih gamtat leh, ih lampi hong lak ding ih nei a; buaina bangzah ta a lian zong, Thudotpipa ih nei a; bangzah in ih dah zongin , ih lungleng a, ih guak om ahi zongin, ong hehpih Lawmpa khat nei hi hang.” E.G.W. (The Ministry of Healing, cp. 18, p. 248)
9. “Amah in ih ih kisap pen hun in a thak leh a ciik thupha te, ih thanem hun in tha hatna, lauhuaina sungah ih cih tun ciangin gualzawhna, ih guak om cianing lawm hoih leh ih dah hun ciangin hong hehpih le hong heh nem ding in hong ngak den hi. Inn lam zuan in ih pai hi. Eite hong itluat manin sihna hong thuak Pa in khuapi thak khat hong lam sak hi. Jerusalem thak in eite tawlngakna mun ahi hi. Pasian khuapi ssiangtho sungah dahna om lo ding hi. Dahna hangin kahna te om nawn lo ding hi. Lametna hong pia sihla te le a kivuite phawkna cihte om nawnlo ding hi.” E.G.W. (Daughters of God, cp. 21, p. 224)