Zomi_2019t205.pdf

Lesson 5: Pil Kammalte

Transcript

1. Lesson 5 for May 4, 2019
2. Kiteenna: Cihtakna Kizopna Zia le tong Nulepate: Nulepa Hihna Pilsinna Paunak Lai Siangtho sungah kizopna tawh kisai ngaihsut piakna tampi om hi. Paunak sunga innkuan tawh kisai ngaihsut piaknate ahi: nupa kal kizopna le nulepa le tate kikal kizopna te en kik ni.
3. Pasian a zahtak koppih nei nailo te in a thuk pen leh a nuam pen nupa nun pen a koppih adingin gawl khinkhian a, koppih a nei khinte in a koppih adingin kembit den hi. Pau. 5 in nupa omkhopna a hilo lama zatna hang a nungthuap thusia te gen hi. Tua hi a, Solomon in ih koppih tawh nupa omkhopna ah nuam ih sak ding hong deihsak hi (v. 15-17), a tawntung in “na koppih zi(Pasal) tawh nuamsa” dingin hong hilh hi (v. 18). Tawntung nuntakna kisumplawh tehi(v. 5) Kipumpiakna a tawm manin kizopna ah bulkip nei thei lo hi (v. 6) Nakpi dahna le khasiatna piangsak hi(v. 11-14)
4. “Phun bek a thei zi tawh innsungah ten'khop sangin innkhumzang kiu khatah tangten' hoihzaw tham hi..” (Proverbs 21:9) Innkhum zang ah teng? Paunak lai siangtho sungah a tak a hilo gentehna tampi(19:24; 27:14) kimu thei hi. Tuate in eite nuih nadingin tha hongpia hi. Kipahna lungsim tawh kihona hangin kizopna ah lem mahmah hiVai hamsa te ah olno takin ki paltan thei hi. Ahi zong, ciamnuihna tawh vai thupite pel in nusia cip kei in. Kam kinialna, hehna le kiheekna cihte pen kizopna hoihna hanga hong piang ahi hi. Tua hi a, a dik le a nem kizopna pen innkuan kizopna ah a khuampi in ding ding hi.
5. “Pasal a hi a zi in ahi zongin kuama tungah zawthawh ukna zang ngeilo ding hi. Nang lunggulhna pen a tangtun dong hih sak teitei lo ding hi. Tua bangin gamta lo ding a, itna kip nei den dinghi. Migi, lungduai le thuakzo in, a khelval in gamta lo in hangsan ding hi. Kiten ni a na neih uh kiciamna mah bangin khat le khat kilungdamsak nading in Pasian hehpihna tawh kisem hi.” E.G.W. (The Adventist Home, p. 118)
6. Proverbs 31:10-31 pen lathu hi. Verse patna khempeuh pen Hebrew laimal tawh kigelh hi. Tua lakam in a deihhuai numei thu gen hi. A deihhuai zi(ahk pasal) thu in tuamcip hi. A thupi pen ah tua teng khempeuh kicing khin ding cihna hipah lo a, ih sepna ih bawlna ah a pha bel le a hoih bel a sem ding cih hong hilh ahi hi (Ecclesiastes 9:10; Colossians 3:23).
7. Tua numeizia le tong nei dingin eite hong hanthawn hi: Muanhuaina (v. 11) Lungneemna (v. 12) Thanuamna (v. 15) Cihtakna (v. 18) Hehpih theihna (v. 20) Belhtham cinna (v. 25) Tua zia le tongte ih neih theih nadingin a kisam masa penin Pasian kihtaakna ahi hi(v. 30).
8. “TOPA a kihta mi, kulh muanhuai nei hi-a; a tate adingin bukna hi ding hi.” (Proverbs 14:26 ZIV) Paunak in nulepa te in bangci ding cih hong hilh hiam? Nasep lakpan innkuan ading masa pen ding (15:27) Lungduai in hehna kem ding (12:16; 15:1) Thagum hatna leh zawhtawhna kihel lo in tate makaih ding(16:6) Na koppih in zahtaak in citak ding (5:18) Zeisu etteh ding a, Pasian kammal le itna tawh kimakaih ding(30:5) Nupa kop le nulepa pilte in khensatna ma neih nadingin Pasian lamlahna ngen uh hi.
9. Singkung no khat hoih tak a hong khan theih nadingin um kul a, kem in don kul hi. w3. Tua mah bangin, tanote zong gamtat hoih tawh hong khankhiat theih nadingin a neu tung panin khalna tawh makaih ding hi (Proverbs 19:18). Itna le lungduaina tawh hilh tawntung a, amaute ading limpha ih hihna ih lahkhiat manin amaute a hoih in gamta in a siatna pan un ih honkhia thei hi. Mawhna in nulepa le tate sukha ahih manin, ih tate Khazih kiang ih tutzawh nading Pasian lamlahna le vangliatna tawh ih hilh ding kisam hi.
10. “Innkuan sungah tate kep nahangin thupha ngah nangin hehpihna, thuakzawhna, leh itna kisam hi. Maitai ding leh lungduaina akisamte adingin zia leh tong pawlkhat khiat ding kisam hi. Ta khat innsungah aomna hangin inn nuam sakin tang sak hi. Pasian kihtakna tawh akikhansuah ta in thupha ahi hi. Eite ahong beel tate tungah kinna leh ngaihna neihna in eite sunga ngawngkhauhna paaikhia hi. Lungsim hong nem sakin midangte apicing sak thei huzaapna hong guan hi.” E.G.W. (The Adventist Home, cp. 23, p. 160)