Seal Tupsa Pasian Mite

Seal tupsa Pasian mite
God's Sealed People

Transcript

1. Lesson 6 for February 9, 2019
2. Kamngah: Tua mite in gimna lianpi sung pan hong pusuakkhia mi ahí uh hi. Amau puante zong Tuuno’ sisan tawh kisawp siang a, a kipaaksak uh hi. Mang 7:14
3. Huih 4te. Revelation 7:1-3 Seal Tupsa 144,000. Revelation 7:4-8 Mi Honpi. Revelation 7:9-17 Asialo Gah Masate. Revelation 14:1-4 Poina leh Hemna Omlo. Revelation 14:5 Seal tupsa 144,000 te thu mun nih ah kimu hi: Revelation 7 and 14:1-5. Amasa zaw ah, Tuuno hong pai ahih manin amaute ding uh hi. A nihna ah, amaute in Sapi Ciaptehna san ding nial uh hi. Amaute in tatkhiatsa mite—hotkhiatna ading a seal kitum—, “gam khempeuh, nam khempeuh, mi khempeuh, leh pau khempeuh” pan a mihon ahi hi.
4. “I Pasian' nasemte, a taltang uhah ciamtehna i bawl khit matengin leitung, tuipi, leh singkungte susia nai kei in," a ci hi. (Revelation 7:3) Hilhkholhna thu ah, huih pen minam khat le khat kikal a kidona gen hi (Daniel 7:2). Pasian in a thukhenna ah huih zong zang hi (Jeremiah 51:1). Pasian in Ama mite seal a kitup khit masiah Satan in asuksiat ding phallo hi (Ezekiel 9:1-11). Tua seal pen Pasian neihsa cih ciaptehna hi (2Tim. 2:19). Pasian mite pen Kha Siangtho tawh ki seal khinta hi (Ephesians 1:13-14). Ni tawpni ah, Ama thukham zui a, A siantho sak ni in Amah a biate tungah Seal kithuh ding hi (Rev. 14:12).
5. SEAL TUPSA 144,000 144,000 pen etsakna bek hi. A tak a lak ding hileh, Jews tangval sit, mawhna nei ngiatlo 144,000 hong hi ding hi. Paul genna tawh en leng, tua pen piang thei lo hi (Romans 3:23). Milimbiakna tawh a buai Dan minamte kihel lo hi (Judges 18). Milim biakna hang a hi diam (Hosea 4:17), Joseph zong a tapa Ephraim min tawh kikhek hi. Eite seal hong kitup ding pen eite in kua bia in bangci biak ih hiam cih tungah kinga hi. OT leh NT sunga 12x12 in Pasian mite limcing ahi hi. 1,000 pen Hebrew lai sungah “tampi” cihna hi (Dt. 32:30; 1S. 18:7; Is. 60:22).
6. Mundangte mah bangin, John in a ging za in mu hi (Rev. 1:10, 12; 5:5, 6; 9:6, 7). John in tatkhiatsa khempeuh mu hi. Tatkhiatsa mite lakah seal kitum nunung pen dingte pen, “144,000 ” kici hi. Tatkhiatsa khempeuh in pahtawina ngah khawm ciat ding uh hi (Hebrews 11:39-40). Banghangin amaute Tokhom leh Tuuno’ mai ah ding hiam? Banghang hiam cihleh “a puan uh Tuuno sisan tawh sawpsiangin a paaksak uh hi.” (Rev. 7:14) Amaute in upna thu ah dona thuak uh a, hehpihna hangin thumanna ngah khin uh ahih manin a do zo uh hi.
7. “Hih mite in numei tawh paktatna gamta ngei nailo uh a, paubaan'na a neilote ahi uh hi. Amaute in Tuuno a paina peuhpeuhah zui uh a, midang khempeuh sung panin a kitankhiasa, Pasian leh Tuuno tungah a kipia masa mite ahi uh hi.” (Rev. 14:4) Numei tawh a kininsak lote in Tuuno mai-ah a ding uh hi. Tua numei in in Babylon leh a tanute ahi hi (Rev. 17:5). Hun bei ni ciangin, tua mite pen upna pial pawlpi in buaisak zolo ding hi. Tu laitak in Babylon sungah a om uh leh zong, nusia ta ding uh hi (Rev. 18:1-4). Amaute gah masa hi a, anlakna pan Pasian kianga ki-ap a hoihpen te hi (Numbers 18:12). Amaute in sihna ciam khalo in hing tangin kikhel ding uh ahih manun tuam vilvel diak uh hi. Amaute in a tawp dong in a thumanna uh lenkip ding hi. Amaute in “Pasian thukham leh Zeisu upna” lenkip uh hi (Rev. 14:12).
8. “Amaute kamsung panin zuauthu gingkhia ngeilo hi. Banghang hiam cihleh amaute in Pasian tokhom maiah kawkban nading khatbeek a neilo te ahi uh hi.” (Rev 14:5) Amaute cikmah hun in mawh ngei ngiatlo cihna hilo in, nin banna khempeuh “Tuuno sisan tawh sawp siang khin” uh hi. Abraham leh Jobte mahbangin mawhsak theih hilo uh hi (Genesis 17:1; Job 1:1). Khang tawntung ah, Pasian in “nin banglo, vun tonna omlo leh melhemna khat peuh omlo” (Ephesians 5:27 ZIV) pawlpi nei hi. Ama hehpihna leh upna hanga mawhmaisakna ah ih kingak nakleh eite zia le tong in Zeisu’ zia le tong langsak ding hi (2 Corinthians 3:18). Nang zong tua a tuam vivelte lakah na kihel thei hi.
9. “144,000 te a kitheihna tuam vilvel khat in amaute sungah zuau-nopna lungsim omlo hi. Topa in a gen in ah, ‘Zuau-nopna lungsim a neilo mi in… Thupha ngah ahi hi’ ci hi. Amaute in Pasian Tuuno a paina peuhpeuh ah zui uh ahih manin, Pasian tate ahihna kilang phadiak hi. Amaute a siangtho nasep asem dingin kawnggak kigaksak a, mi siangtho te thuman puanpaak tawh kituam in, Zion mual tungah eite maiah ading dingin kiseh khol zo hi. Vantung ah Tuuno paina a zuite pen tuute in tuucingpa nung muanna leh cihtakna takpi tawh a zuih bangin hih leitung ah muanna, itna, thumanna takpi leh muanmawhna kihel hetlo lungsim tawh Ama’ nung azuite hi ding hi.” E.G.W. (Selected Messages, vol. 3, cp. 57, p. 424)
10. “Tuuno’ nuntakna laibu sungah akigelh ding mite in pasal tat takin Pasian ading gal a do uh kisam hi. Amaute in ze-etna leh a sia khempeuh khentel in a kihepkhiat theih nading in na asep ding uh kisam hi. Pasian mit in a amaute tungah om in cihtakna tawh sep kul ahihna thei ding uh hi. Amaute lakah khuavak adim vanmi bangin Satan in sihna nasepte a sepna ah, a kikhakcip Pasian thute pilvang takin kemcing ding uh a … amaute gamtana ahi, a puan uh pen Tuuno’ sisan tawh sawpsiang ding uh hi. Amaute in minthanna kumpigam sungah gualzawhna lapi sa ding uh hi.” E.G.W. (My life today, November 13)