Kumpi Zawlla

Kumpi Zawlla

Transcript

1. Lesson 6 for May 11, 2019
2. Nupa zahmawh zatna pen ngeina tampi in a siangtho lualiangh in ngaihsun uh hi. Mawhna bangin ngaihsun uh hi. Hideklo, lai Siangtho sungah Pasian in mihing pen suan le khak nei dinga hong bawl hi lo in, nupa omkhopna ah nuam asa ding leh, taksa la le kha lam kithuahna ah ah nuam sa dinga a bawl hi. Nupa kikal nopsakna pen Pasian hong piak letsong hi. Tua te koici bangin a man in zang thei ding ih hiam? Tua kizopna te ah bang ciang ciangtan om hiam?
3. Greek ngaihsutna hoihlo khat Christian sungah hong kizeel a: taksa tawh kisai himhim sia in, kha lam tawh kisai bek hoih hi ci hi. Tua hangin nupa ngeina zatna pen mawhna hi ci uh hi. Ahi zongin, kha lam le taksa lam pen Lai Siangtho sungah kikhen thei lo hi (Gen. 2:7). Sianthona pen nupa ngeina zatna tawh a kilehbulh hituan lo hi. Nupa ngeina ah a cidam khat pen Pasian mai ah kha lam le taksa lam ah bangmah buaina om lo hi. Solomon la in taksa kizopna ahi khe, lai, nawi, kinapna, damtak in zut hialhialna… cihte pen Nupa te nopsak nadinga Pasian bawl hi (5:10-16; 7:1-9) ci hi.
4. “A tongsuah aw khum zungzung e. sakduanga ngaih a baangno aw e. Kei ka senngaih hih bang hi e, khanpih ka lawm gual hi e. Jerusalem lianute aw e.!” (Song of Solomon 5:16) A innkuan sung uh nuam a sak theih nadingin a kiteeng nupate in a kiteen ma un lawmta, lawm itpen te suak masa ding hi. Hunte zangkhawm in, kizopna nei ding a, khat le khat kikin bawl, kidon ding uh hi. Tua itna kizopna in nupa te hong khih khawm ding a, khat le khat kipaaktatna ah hong henkhawm ding hi. Itna man tak ih cih pen eite pianpih hilo a, Kha Siangtho silpiak ahi hi. Kipumpiakna leh angsung nialna in hong khihkhawm in, sawtpi ading a kip itna hong pia hi.
5. “Zuang hong tho aw mal huihkhi aw sim huihkhi tawh hong laang khawm ve aw! Ka khanghuan teng hong sem unla, huan sung gimsi’n zeel hen aw. Ka sannem in a huan thangbang vil henla, deih ciibang tel thei minlun teng vaciam dih hen aw.” (Song of Solomon 4:16 ZIV) Pasian in le Eve te pum khat a suak dingin Eden huan ah thupia hi. Somon la sunga gentehna in, tangvalpa pumpi pen amaute nopsakna huan khat hong suak hi. Hi bangin hong kigentel ciangin nupa zan hun zatkhopna pen Pasian hong piak letson hi cih kimu thei hi. Lai Siangtho sungah nupa lupkhopna a gen ciangin “thei" (Gen. 4:1, 17, 25; 1Sam. 1:19; 1Kum. 1:4; Lk. 1:34) cih laimal na zang hi. Tua kammal mah pen mihingte leh Pasian kizopna ah kizang hi. (John 17:3).
6. “Laizom lianu ka thai lianem; deihzun khanghuan umtuan aw e, siktui luansiam samtuinak umtuam no aw e.” (Song of Solomon 4:12) Solomon La sunga nungak le tangval te pen a kiteen mateng uh bit lai (“umtuam no") cih kimu hi. Solomon la 8:8-10, Shulamite nungak pen zuak/kawm (kikhak/bit) ahikeileh kongkhak (kihong ci-in lamdang se hi . Nungak bit lai ahihna (zuak/kawm) kipsak hi. Tua in lungkimsak a, a lawmngaihpa adingin “bawngnawi le khuaizu" (4:11), tawh kibangin kipumpiak hi. Tua in, kamciam gam ahi “bawngnawi le khuaizu” luanna a tung tawh kibang in amaute kingaihsun uh hi.
7. “Na sinlung sung’h nunbang in hong belh inla, na banzal ah mangmawh ding hong zun ve aw; anbang itna hiambang hatte kha pham zahin, a aamna zong zalna kulsin zil hi e. Kang meikuang bangin kang ven, kang meipi kuang bang alh e.” (Solomon 8:6 ZIVV) Mipa le minu pianzia in Pasian lim le meel langkhia sak hi (Genesis 1:26-27). Tua himah leh, mawhna in nupa kikal kizopna susia hi. Tua ziakin, Pasianin angkawmna vai ah ciangtan hi. Koi khial in koi dik hiam cih khentel hi (Lev. 20:7-21; Romans 1:24-27). Angkawmna, sanggam naihuai tawh lupkhopna, neih kibang omkhopna, ganhing tawh zahmawh zatna leh a kilawmlo tuamtuamte mawhna in ciamteh hi. Ih pumpi leh zahmawhte khempeuh pasian aa hi cih ih pom ding kisam hi. Eite in tuate a lampi man taka –Ama huhna tawh- ih zat ding kisam hi.
8. “Christ kiang panin ahong pusuak Pasian’ itna in mite ki-itna suksiat saklo hi. Tua itna in mi’ itna siangtho sak, sanglap leh mipi tangsak hi. Mihingin Pasian tawh kipum khat in Vantung tawh kisai thu ah akhancin matengin hoihna gah theilo hi. Jesu in lungnophuai kiteenna leh innlum mu nuam hi. Mihingte akipia Pasian letsongte lakah kiteenna pen mawhna in susia pen hi. Ahizongin Lungdamnathu in tua kiteenna ie sianthona leh ahoihna lamkik sawm hi. Kiteenna pen Pasian’ ngimna abat nadingin Christ ie hehpihna bekin bawlpha thei hi. Kiteenna in mihing thupha apiading leh asanglap ahi hi. Tua hia, leitunga aom innkuante’ kipum khatna, ki itna leh kilemna in Vantung innkuan lim aciing ding ahi hi. Vantung ie innkuan deih pen leimite muhna ah dah huai mahmah hi. Ahihzongin thangpaihna leh dahna apiangsak kiteenna pen lawmneihna leh kipakna lametna in apia thei Christ bekin vaihawm thei hi.” E.G.W. (The Adventist Home, cp. 15, p. 99-100)