Il-Parabbola tal-ħaddiema fl-għalqa tad-dwieli

Transcript

1. Il-Parabbola tal-ħaddiema fl- għalqa tad-dwieli Mattew 25, 1-16
2. Il-Parabbola  F’dak iż-żmien: Ġesù qal lid-dixxipli tiegħu din il-parabbola: “Is-Saltna tas- Smewwiet tixbah lil wieħed sid li ħareġ filgħodu kmieni ħafna jsib nies għax- xogħol u jħaddimhom fil-għalqa tiegħu tad-dwieli. Ftiehem ma’ xi ħaddiema li jħallashom €100 għal ġurnata xogħol u bagħathom fl-għalqa. Reġa ħareġ fid- disgħa ta’ filgħodu, ra oħrajn qegħdin fil-pjazza, bla xogħol, u qalilhom, “Morru intom ukoll aħdmu fl-għalqa tiegħi, u nagħtikom li jkun ħaqqkom”. U marru. Reġa’ ħareġ għal xi nofsinhar, u mbagħad għal xi t-tlieta, u għamel l- istess. Għall-ħabta tal-ħamsa ta’ wara nofsinhar reġa’ ħareġ u sab oħrajn bla xogħol, u qalilhom, “Għaliex qegħdin hawn il-jum kollu ma tagħmlu xejn?” Qalulu, “Ghax ħadd ma qabbadna.” Qalilhom, “Morru intom ukoll aħdmu fl- għalqa tiegħi.”
3. Il-Parabbola  Għal filgħaxija mbagħad sid il-għalqa qal lill-kaxxier tiegħu, “Sejjaħ lill- ħaddiema u ħallashom, ibda minn dawk li ġew l-aħħar u spiċċa b’dawk tal- ewwel.” Ġew dawk li daħlu għax-xogħol għal xil-ħamsa u ħadu €100 kull wieħed. Ġew ta’ l-ewwel, u stennew li kienu se jirċievu iktar, iżda huma wkoll ħadu €100 kull wieħed. Huma u jitħallsu qabdu jgemgmu kontra s-sid u jgħidu, “Dawn ta’ l-aħħar siegħa waħda għamlu, u int ħallasthom daqsna li ilna naħdmu minn filgħodu.” Qabeż is-sid u qal lil wieħed minnhom, “Ħabib, minn xejn ma nqastek jien; mhux b’€100 ftehimt miegħi? Ħu li jmissek u itlaq. Lil dan ta’ l-aħħar irrid nagħtih daqs kemm tajt lilek. Ma nistax nagħmel li rrid bi ħwejġi jien? Jew qiegħed tgħir għax jien qalbi tajba? Hekk ta’ l-aħħar jiġu l-ewwel, u ta’ l-ewwel l-aħħar.”
4. It-tifsira  Jista’ jkun li jekk naqraw din il-parabbola mingħajr ma nifhmu xi tfisser, naqblu mal-ħaddiema li bdew minn filgħodu u ngħidu li mhux sew li dawk tal-aħħar tħallsu daqs dawk tal-ewwel. Għalhekk huwa importanti li nifhmu x’ried jgħallimna Ġesù permezz ta’ din l-istorja:  Ġesù ried ifisser li kull min jgħix ħajja tajba qabel ma jmut, kulħadd se jieħu l-istess premju – li jmur il-Ġenna. Ma tagħmilx differenza jekk wieħed jgħix 50 sena ta’ ħajja tajba u ieħor jgħix sena waħda biss ta’ ħajja tajba qabel imut – dawn xorta t-tnejn il-Ġenna se jmorru. L-importanti hu li meta niżbaljaw, jiddispjaċina u nitolbu maħfra lil Alla.