It-talb jgħinna nikbru

Preżentazzjoni li turi t-tagħlim li tana Ġesù dwar it-talb.

Transcript

1. It-Talb jgħinna nikbru Paul A. Rapa Kap 10: Infaħħru ‘l Alla f’Talbna Lezzjoni 3
2. Aħna l-insara nimxu fuq l- eżempju u t- tagħlim ta’ Ġesù. It-talb kien importanti ħafna għal Ġesù. Mhux biss kien jitlob ta’ spiss, imma tana ħafna tagħlim sabiħ dwar it- talb.
3. Ġesù għallimna ħafna affarijiet importanti dwar it-talb. L-iktar ħaġa sabiħa li għallimna kienet li nsejħu lil Alla bħala Missierna.
4. Ġesù ma tkellimx dwar it-talb u waqaf hemm. Hu saħħaħ it- tagħlim tiegħu bl-eżempju li tana. Ġesù kien bniedem ta’ talb u dan narawh f’mumenti differenti matul ħajtu.
5. Ġesù kien jitlob qabel ma jieħu xi deċiżjoni importanti. Hu talab il-lejl kollu qabel ma għażel it-tnax-il appostlu. Dawn kellhom ikomplu x- xogħol tiegħu wara li jitla’ s- sema.
6. Ġesù kien ukoll ifaħħar lill Missier kif ukoll jirringrazzjah. Hekk għamel qabel ma qajjem lil Lazzru mill- mewt.
7. Ġesù kien jitlob lill-Missier għall-oħrajn ukoll. Fl- aħħar ċena huwa talab għall-appostli u għalina wkoll biex inkunu lkoll ħaġa waħda.
8. Xi drabi Ġesù kien ukoll jitlob mill-Kotba Mqaddsa. Meta kien fuq is-salib talab mill-Ktieb tas-Salmi: “Alla tiegħi, Alla tiegħi, għaliex tlaqtni?”
9. Lil Ġesù narawh jitlob ukoll waqt il- passjoni u l- mewt tiegħu. Huwa talab fil- ġnien tal- Ġetsemani biex il-Missier, jekk irid, iwarrab minnu t- tbatija.
10. Ġesù talab ukoll fuq is-salib. Talab lill- Missier jaħfer lil dawk li qatluh u fl- aħħar talbu biex jilqa’ l- Ispirtu tiegħu.
11. Minbarra l-eżempju li tana, Ġesù jgħallimna wkoll kif għandna nitolbu u kif għandna nħarsu lejn it-talb. L-aktar ħaġa importanti waqt it-talb hi li nitolbu bil-qalb u fil- ġabra.
12. Ġesù jgħallimna li fit- talb mhemmx għalfejn ħafna kliem fit-tul. L- aħjar li t-talb tagħna jkun fil- qosor u fil-ġabra.
13. “Iżda int, meta titlob, idħol fil-kamra tiegħek ta’ ġewwa, agħlaq il-bieb warajk u itlob lil Missierek li hu fil- moħbi...Intom u titolbu toqogħdux tlabalbu bħall-pagani; dawn mingħalihom li aktar ma jgħidu, aktar jinstemgħu. Tkunux bħalhom, għax Missierkom jaf x’teħtieġu qabel ma titolbuh intom.” (Mt.6:6-8)
14. Ġesù jgħallimna wkoll li għandna nitolbu bħalma t-tfal ċkejknin jitkellmu mal-ġenituri tagħhom. Hu jfakkarna li l-imħabba t’Alla l-Missier hija ħafna ikbar mill-imħabba ta’ kull ġenitur.
15. “Itolbu u jingħatalkom, fittxu u ssibu, ħabbtu u jiftħulkom...Għax min hu dak il-missier fostkom li, jekk ibnu jitolbu ħuta, minflok ħuta jagħtih serp? Inkella jekk jitolbu bajda jagħtih skorpjun? Mela jekk intom, nies ħżiena bħalkom, tafu tagħtu lil uliedkom ħwejjeġ tajba, kemm aktar il-Missier mis-smewwiet jagħti spirtu qaddis lil dawk li jitolbuhulu?” (Lq. 11:9-13)
16. Ġesù jgħallimna nitolbu b’fidi kbira. Alla dejjem jisma’ t-talb tagħna, imma jagħtina biss dak li hu ta’ ġid għalina.
17. “Tassew, ngħidilkom, jekk ikollkom il-fidi u ma toqogħdux titħassbu ... Jekk tgħidu lil din il-muntanja, ‘Inqala’ u nxteħet il-baħar,’ hekk isir. U kull ma titolbu taqilgħuh jekk ikollkom il-fidi.” (Mt. 21:21-22)
18. Ġesù jgħallimma wkoll li għandna nitolbu bla ma nieqfu jew naqtgħu qalbna. Alla ma jistax ma jismax it-talba ta’ persuna li ma tiqafx titlob.
19. Qalilhom ukoll: “Wieħed minnkom ikollu ħabib li jiġi f’nofs ta’ lejl u jgħidlu, ‘Ħabib, islifni tliet ħobżiet, għax ġie għandi wieħed ħabib tiegħi mill-vjaġġ u m’għandix x’nagħtih.’ U l- ieħor iwieġbu minn ġewwa u jgħidlu, ‘Iddejjaqnix; issa l- bieb magħluq u wliedi jinsabu reqdin; ma nistax inqum nagħtik.’ Ngħidilkom jien, li jekk ma jqumx jagħtih għax ħabib tiegħu, iqum u jagħtih kull ma jkollu bżonn minħabba l-wiċċ sfiq tiegħu.” (Mt. 11:5-8)
20. Ġesù jħeġġiġna wkoll biex nitolbu mal- oħrajn. Hu jwiegħed li meta nitolbu flimkien hu jkun preżenti fostna. Dan iseħħ l-aktar meta niċċelebraw l-Ewkaristija waqt il-quddiesa.
21. “Ngħidilkom ukoll li jekk tnejn minnkom fuq l-art jgħollu leħinhom flimkien biex jitolbu xi ħaġa, Missieri li hu fis-smewwiet jagħtihielhom. Għax fejn tnejn jew tlieta jkunu miġburin f’ismi hemm inkun jien f’nofshom.” (Mt. 18:19-20)
22. Ġesù jwissina li għandna nitolbu b’qalb li taħfer. Jekk aħna rridu li Alla jaħfrilna u jismagħna, aħna wkoll irridu nkunu lesti li naħfru lil min jagħmlilna l- ħsara.
23. “U meta tkunu weqfin titolbu, jekk ikollkom xi ħaġa kontra xi ħadd, aħfru, biex ukoll Missierkom li hu fis-smewwiet jaħfer lilkom il-ħtijiet tagħkom.” (Mk.11:25)
24. Tmiem